ब्लैंक कॉल

ब्लैंक कॉल
आजकाल रात्री अपरात्री एखादा ब्लैंक कॉल येतो ..
आणि मनात असंख्य विचारांचे वादळ ठेवून जातो ..

फोन उचलावा कि नाही कळत नाही ..
पलीकडून शांतातेशिवाय कोणीच बोलत नाही ..

(म्हणाली होतीस )
तू न बोलताच मला सगळ कळत.
त्याचा असा उपयोग करशील ,कधीच वाटल नव्हत .

मग तुझ्या स्वाशांचा आवाज मी ऐकत राहतो ..
न बोलताही खूप काही बोलत राहतो ..

मग तो अबोलाही ओळखीचा वाटतो ..
मनात मग आठवणीचा कल्लोळ माजतो ..

नंतर मग मोडत वेळेच घरट..
टपोऱ्या डोळ्यातून मग पाणी वाहत .

रोजच्या सारखा मग हा हि कॉल संपतो
बाय म्हणताना मात्र तुझा आवाज कम्पतो ..

वेळी अवेळी कधी तरी फोन वाजतो ...
आजकाल ब्लैंक कॉल हि हवाहवासा वाटतो ..